,,, يــاعــــم ....

[سعد بن حسين]

المعني ببطن الشاعر
من واقعي لأحدي قصائدي


ياعم ويش صاير عسي الشر مايصيب = يكفينا خافي كل واشي ونشاب
تعال واقرب واخبرك دايم ذيب= باب العتب شرعت من دونه أبواب

بنشدك عن رجل ٍ بدي براسه الشيب=هو حق يطعن له مريض بلا اسباب

وبنشدك عن ربع ٍ تسوق التراحيب = تخدع قريب للمواجيب كساب



ما كننا اقراب وصرنااجانيب =وحنا لك الله جد واحد واقراب
لولا المعزة ما كتبت المكاتيب = ولولا الغلا ما ابدي مشاريه وعتاب

انتو هل الطولات كسابة الطيب = انتو دروع الجنب لا ثارت حراب

قضاية اللازم وعداكم العيب = ربعي بني عمي ذرا كل مرتاب

وما يلحق الاجواد شككٍ ولا ريب = ببدي لهم الأعذار لو كنت منصاب



شرهه على مثلي من اللازم يغيب = واشره على اللي ما ارسلو صوبي كتاب

ماني من اللي تردعه مدة الجيب = وماني من اللي لابدا واجب ٍ غاب

ولأني بهذار ٍ / كثير العذاريب = ولأني بنشاب ٍ ولانيب كذاب

ولأني بطلاب ٍ وراعي مطاليب =إلا لفعل الطيب والجود طلاب



ليت الرجال اللي تسوق التراحيب = تذكر رفيق ٍ قبل ما تشره أجناب

وليت الرجال اللي تعرف المواجيب = تذكر ولد عم ٍ وتحسب له حساب

من عز ابن عمه وعده مكاسيب = بيعز نفسه بين عكفان الاشناب







يحز في نفسي خطا من هو إقريب = واعتب مدام أن العتب بين الأحباب

لو كنت غايب انتو عني مناديب = لاكن عطوني عذرلاشفت الاغراب



الحال مستور ٍ بدار المعازيب = الخير واجد واندثر شر غلاب

وياعم يا ساكن بعالي المراقيب = حكم ضميرك بين خال وأنساب

وسلامتكم

[حرب الزهراني]

صح السانك يا سعد ،،

ابيات حملة رساله و بعض

العتب و كنت رائع و هلا

بك بعد غياب ...


تحياتي

[احلام مؤجله]

كفووو شاعرنا والنعم بالأخلاااق

رسالة عتب واضحه لمن قصد بهااا

نابعة من قلب طيب
يحترم الأقارب ويقدرهم


الله يصلح الأوضااااع
صح لسانك

تحياتي

[حسين خميس]

صح لسانك أخوي سعد بن حسين

قصيدة جميلة

الله يعطيك الصحة والعافية

تقبل أطيب تحياتي